गजल ~~ ९० दुख्यो आज

गजल ~~दुख्यो आज 

,

मेरो आँशु सुकाऊने  , उस्को  पनि सुक्यो आज |

मेरो हाँसो रुकाऊने  ,  उस्को  पनि रुक्यो आज |

,

ध्वस्त भयो मेरो खुशी, जहाँ उस्ले पाईला टेक्यो 

मेरो भाग्य चुकाऊने ,   उस्को  पनि चुक्यो आज |

,

न्याय ढोका बन्द भयो,  सारा कर्तुत लुकेपछी 

मेरो व्यथा  लुकाऊने  ,  उस्को पनि लुक्यो आज |

,

खेल भयो यो जिन्दगी,  जिते पनि हारे जस्तै  

मेरो  मुटु  दुखाऊने  ,   उस्को पनि दुख्यो आज |

,

जब चर्चा सुरु भयो,   चल्यो हल्ला बतास झैँ 

मेरो शिर झुकाऊने  ,  उस्को पनि झुक्यो आज |

,

कल्पना "भावुक"

इजरायल