गजल ६० सम्झियौ

झुपडी बाट महल तिर सरेको सम्झियौ
तिमीलाई एक्लो पारेर गंगा तरेको सम्झियौ ।
~
बाध्यता थियो म बिबस थिए भेट हुन सकेन
निस्ठुरी बनी त्यो दिल बाट झरेको सम्झियौ ।
~
दुखाउँछौ मन बगाउँदै आँशु परिवेस बदली
आँगन छाडि अर्कैको बाग चरेको सम्झियौ ।
~
लोलाउँथे आँखा टोलाउँ'थ्यो मन संझेर त्यो रुप
नबुझी मलाई धोकामा तिमी परेको सम्झियौ ।
~
चर्किन्छ छाती रसायो आँखा भक्कानो फुटेर
भाबुक बनि कठोर घात गरेको सम्झियौ ।
~
कल्पना भाबुक
काठमाडौं
हाल ; इजरायल