गजल~~ जीत उस्तै उस्तै,८७

गजल~~ जीत उस्तै उस्तै,

तिम्रो मेरो जमानाको गीत उस्तै उस्तै

तिम्रो मेरो लहनाको  रित  उस्तै उस्तै |

,

छैठीमा नै  लेखिएछ मिलन यो  मुटुको 

तिम्रो मेरो भावनाको मित उस्तै उस्तै |

,

रसिलो छ बाग हाम्रो मौसम सुवासिलो 

तिम्रो मेरो चाहनाको धित उस्तै उस्तै |

,

बिस्वासको पर्खाल हाम्रो छैन शँका कत्ति 

तिम्रो मेरो  बहानाको  हित उस्तै उस्तै|

,

असिमित छ माया हाम्रो एउटै छ लक्ष्य    

तिम्रो  मेरो  सामनाको जीत उस्तै उस्तै|

,

कल्पना भावुक,काठमाडौँ 

हाल ,इजरायल |