कल्पना "भाबुक" को साहित्य चौतारी: गजल~~ लिई आऊ (२९)

जवानीको नसा चढ्यो मात लिई आऊ l
लजाउँदै बोली दिने बात लिई आऊ ll

चादनीले घुम्टो खोल्दै चिहाउन लागिन l
चाहनामा नछुटिने साथ लिई आऊ ll

प्रभातमा लाली छर्दै बोलाउँछिन उषा l
बहानामा नबिउँझने रात लिई आऊ ll

अंग अंग बिझाउँछ्न तड्पी बस्नु पर्दा l
सिमलको भुवा जस्तै हात लिई आऊ ll

नस्वीकार्दा समाजले हेला हुन्छौं कि त l
भावनाको नाम दिने जात लिई आऊ ll

कल्पना गिरी
काठमाडौँ
हाल इजराएल