गजल ***पारि जाउँकी वारि बसौ (३६)

पारी जाँउकी वारी बसौँ दोधारैमा पारिदियौ
कल्पित् मेरा भाबनालाई मनै भित्र मारिदियौ
===============================
सुस्त सुस्त मेरा पाइला लक्ष्यतिर बढ्दै थिए
तिमी सम्म पुग्नै लाग्दा पातालमै झारिदियौ
==============================
मेरो दृष्टी तिमी बाहेक अन्त कतै डुलाइन
तिम्रो मन फेरी अन्तै किन बसाइ सारिदियौ
==============================
सँगै यात्रा गर्दै जाँदा   जंघारमा  पुगे पछि
किनारैमा छाडि मलाई अर्कैलाई तारिदियौ
============================
तिम्रो मिठो बचनमा मँ त सधैं भुलीरहेँ
अरु सँगै रमाएर बोलिलेनै  टारिदियौ

कल्पना गिरी
काठमाडौँ
हाल इस्राएल