गीत ~22 एकैनास बगे हुन्थ्यो पिरतिको खोला !

गीत ~

एकैनास बगे हुन्थ्यो  पिरतिको खोला  !

भेल बाढि चल्न थाले भेट होला न होला!

.

आँखाभरि  सजाउँछु,  मुटुभित्र  साँच्छु  

अधेरीमा  पर्न दिन्न, जून संगै  राख्छु 

यस्ता कसम नखाएनी, प्रेम अमर होला 

एकैनास बगे हुन्थ्यो,  पिरतीको खोला  !

.

पारीजात  नहोस बरु, नहोस सुनाखरी 

आँसु हाँसो  मिसिएर, रहोस सधैं भरि 

दुख सुख बाँच्न पाए, कस्तो हुन्थ्यो होला 

एकैनास बगे हुन्थ्यो  पिरतिको खोला  !

कल्पना भावुक