गजल (४१) भयो जिन्दगी

उमेर छदाँ सबै चढ्ने कार भयो जिन्दगी
उमेर गयो आफैँलाइ भार भयो जिन्दगी
************************
कमाएर दिन सक्ने बल बुद्धि घटेर
फाल्नु पर्ने चुँडिएको तार भयो जिन्दगी
************************
जन्म लिए नया सोच अनि नया शैलीले
अर्थहीन बिचारको सार भयो जिन्दगी
************************
सन्तानलाई सुख दिन कति बाधा चिरिए
दाँत सबै झरी भुत्ते धार भयो जिन्दगी
************************
चाउरिई छाला साथ छोडे सबै अङ्गले
ढल्यो उमेर आफैँलाई बेकार भयो जिन्दगी
*************************
जिजीविषा घटे पनि मरी जाऊँ नलाग्ने
काल रूपी बैरीसँग हार भयो जिन्दगी ।
******************************
रोग शोक बढ्दै गए घट्दै गए चाहना
सबैलाई छिछि भो धिक्कार भयो जिन्दगी

कल्पना गिरी {भाबुक}