मुक्तक

मुक्तकथुँगाहरु ~~~~~

1

तारे भीरका गीतहरु गाऊ परदेशी

देशलाई माया गर्न आऊ परदेशी

हुस्की ब्रान्डी डिस्को अब सबै भुलेर 

बनपाखा पधेरिमा छाऊ परदेशी!! 

2

सायद मायाले भनेको पनि यहि होला 

माया सँग जोडिएको अरु पनि केहि होला    

महसुस मै रम्नु पर्ने  हुनु पर्ने खुशी पनि 

कहिले काहिँ आँशु बग्ने माया त्यहि होला!!

3

निभ्न लाग्या दिप माथि तेल कति थपौ

छोडी जाने निस्ठुरिको नाम कति जपौ

यादहरु बल्झाएर जिउँदो लास हुनु भन्दा 

त्यागी दिन्छु देह अब  चोट कति खपौ

4

हिमाल पारि गाउँ भन्छौ बादुलुकै घर होला

तिमीलाई मेरो भन्दा जुन ताराकै भर होला

धरती र आकासको मिलन सम्भब हुदै हुन्न 

भेट नभै जिन्दगीमा मर्छु भन्ने डर होला !!

5

आँशु झार्दा दुख जाने भ्रममा नपर

बेलुकी हात सुन्य लाग्ने श्रममा नपर

अनुभब हो जीबन र त जीबन बनेकोछ

थोरै बल्झियोस जिन्दगी चरममा नपर !!

6

अनुहार त मैले चिनेकै हो जस्तै लाग्छ 

मेरो आफन्त भित्रकै हो जस्तै लाग्छ 

आफ्नो आफ्नो बिच जब दुरी बढ्छ नि 

अनि तस्बिर मित्रकै हो जस्तो लाग्छ!!

7

जहाँ हुन्छ सुद्द मन देवताको बास हुन्छ

नमरुन्जेल मानिसलाई राम्रै हुने आश हुन्छ

घमण्ड हो त्यो जो गन्दैन अरुको बिचारलाई

सुनै खावस सुनै लावस मरेपछी लास हुन्छ!!

कल्पना भावुक 

काठमाडौँ