गजल-छैन (२०)

छोडी गयौ मेरो साथ भरोसाको लाली छैन
मोडी गयौ मेरो दिल अब ठाउँ खाली छैन

बिश्वासको माला उँनी नाता मैले जोडेकोथे
तोडी गयौ बाचा सबै बगैँचामा माली छैन

बास्नाछरी फूल्ने धोको थियो तिम्रो जीवनमा
गोडी गयौ जरा फाँकी पलाउँने डाली छैन

थुप्रै ईच्छा मारी मैले तिमीलाइ छानेकोथे
फोडी गयौ मेरो मन तर म त जाली छैन

जहाँ जान्छौ हाँसो खुशी जमाएर बस तिमी
जोडी गयौ अन्तै नाता अब दिने गाली छैन