गजल~~ भयो जिन्दगागी (२२)

विवस्ताले मोडी दिने बाटो भयो जिन्दगानी
सयौ चोट सही दिने माटो भयो जिन्दगानी


जती जोड्न खोज्यो उती टाढा टाढा हुँदै जाने
नदीको दुई किनाराझै फाटो भयो जिन्दगानी


जती कोसिस् गरे पनि बिफल मात्र हात लाग्ने
सबै धुर्त   दुनियाँमा लाटो भयो जिन्दगानी


सुख खोज्न सम्झौतामा जती दु;ख गरे पनि
भित्री पीडा हुँने घाउको  खाटो भयो जिन्दगानी


घाम  पानी  नभनेर  जती  पौरख् गरे पनि
मेहनत खेर जाने  आँठो   भयो जिन्दगानी


आवश्यकता पुरा  गर्न बिनिमय  प्रथा जस्तो
हाँसो  दिई आँसु  लिने साटो भयो जिन्दगानी


कल्पना गिरी
काठमाडौं
हाल इस्राएल