मुक्तकहरु ...

छेउको सियो माझतिर सर्नेछ एकदिन
गरिबको दु;ख् दर्द टर्नेछ एकदिन
बुद्ध जन्मिएको देश हरेस खान हुन्न
शान्ति  दिप जली क्रान्ति मर्नेछ एकदिन

एउटै गाउँमा बस्थ्यौँ हामी हाम्रो एउटै जात थियो
चिठ्ठी लेख्थे दिनमा एउटा दिने अर्कै हात थियो
तिम्रो बाटो हेरिकन मेरो जुनी बित्यो कान्छा
कम्जोर पारि मलाई मार्ने तिम्रो माया घात थियो
,,
सिंगै मुटु दिएको थे टुक्रा पार भन्यौ
दिल भित्र राखेको थे तल झार भन्यौ
समय त उस्तै रैछ मात्र तिमी फेरीएछौ
भेट हुदाँ बाच्ने इछ्या सबै मार भन्यौ
,,
समिपमा तिम्रो म छु देखेनौ नि कान्छा
बर्षौ टाढा हुदाँ चिठ्ठी लेखेनौ नि कान्छा
अमर नाता जीन्दगीको छुटाऊदिन भन्थ्यौ
एउटै थुँगा पिरतीको फेकेनौ नि कान्छा
,,
कल्पना गिरी (भाबुक)
काठमाडौँ हाल इजराएल

मुक्तक हरु

स्वर्ग जस्तो सुन्दर देश टुक्रा टुक्रा पार्ने भयौ
एकताको भावनालाई फेरी अब मार्ने भयौ
जाती जाती लड्न थाले बाँकि के पो रहला र
नेपाल यो नाम अब ईतिहासमा सार्ने भयौ
,,
घाम पानी छल्न मात्र सबैलाई छाता प्यारो
रगतको नाता भन्दा भावनाको साथ प्यारो
बिना स्वार्थ एकै पाईलो सर्दैन की जिन्दगीको
सबैलाई सधैँ लाग्छ माया दिने जात प्यारो
,,
तिमीले दिएका हरेक दु;ख सहन सक्छु म
जस्तो सुकै हालतमा पनि जिउँन सक्छु म
त्यो मनले मान्छ भने बिष बोकी आऊ
हाँसी हाँसी तिम्रो सामु पिउँन सक्छु म
,,
कल्पना गिरी (भाबुक)
काठमाडौँ
हाल (इजराएल)

गजल; ६९ नोटको कुरा नगर साथी|

हेर्दामा राम्रो बिष ओकल्ने बोटको कुरा नगर साथी|
फाटेका लुगा भोको छ पेट नोटको कुरा नगर साथी|
,
बल्छिको माछी हामी जनता नेताजी भए लागेको कर्द,
सत्तामा पुगी बन्सो उमार्ने भोटको कुरा नगर साथी|
,
बाटेको थिएँ मायाको डोरी चुडाए बरै दुस्मन लागी,
दुख्दैन छुँदा फाटेको मुटु चोटको कुरा नगर साथी|
,
गरीब माथी लाग्छ कानुन न्यायको घर बैरी भो आज,
ख्वाएर घुस पाएँ सजाय कोटको कुरा नगर साथी |
,
पैसाले किन्ने तिम्रो इज्जत मान्दैछौ जित संसार तिम्रो,
अपांग मन बाँचे छु मर्दै खोटको कुरा नगर साथी|
,
कल्पना भाबुक
काठमाडौँ

गजल ६८ भन्छ मलाई

गजल
स्वतन्त्र भै बाँच तिमी आकाशले भन्छ मलाई
उमंगका डाली भाँच सुवाशले भन्छ मलाई|
,
हिजो थियो आज हुन्छ भोलि पनि हुन्छ नै त्यो ,
बर्तमानमा जिई नाच आभासले भन्छ मलाई|
,
फर्कीएर स्वदेशमा चलाउनु छ खुर्पी डोको
त्यसैले त बल साँच प्रबाशले भन्छ मलाई|
,
अनमोल गहना हुन् भोगाइका पलहरु
आलस्यका पोथ्रा लाछ उदासले भन्छ मलाई !
~
कल्पना भाबुक
काठमाडौँ

गजल ६७ चोखो माया थियो मेरो

गजल**
चोखो माया थियो मेरो अनर्थ पो लाउँदैछौ रे
टोल बस्ति भेला गरी नानाभाती गाउँदैछौ रे !
~
उनको माया यो मुटुमा काँडा जस्तै बिझ्यो भनी
पागल बनि बेसी तिर शान्ति खोज्न धाउँदैछौ रे !
~
जे जे भयो जिन्दगीमा सबै दोष मलाई हाली
मृत्यु रोजी खोजि खोजि बिष पिउन बाउँदैछौ रे !
~
आक्रोसित हुँदै फेरी प्रतिसोधको भाब राखी
बादल बनि गर्जिएर मै माथि पो छाउँदैछौ रे !
~
त्यतिले नी नपुगेर सडक पेटी पछ्याउँदै
मार्छु अनि मर्छु भन्दै छुरा बोकी आउँदैछौ रे!
~
कल्पना भाबुक
काठमाडौँ

गजल ६६ बल्झिएर दुख्दा

गजल,

प्रजातान्त्रिक घाऊ आज बल्झिएर दुख्दा
इज्जत तिम्रो थाहा भयो दुनियाले थुक्दा !
,,
धर्म कर्म गर्न छाडी गिर खेल्छौ सधैँ
गोर्खाली नाम लोप होला हाम्रो शिर झुक्दा !
,,
सुस्ताउँदै बिरहमा रुन्छन मेची काली
हिमाल तराई दुखि रा'छ कर्मठ पाईला रुक्दा !
,,
अल्प बुद्धि अल्प ज्ञान सधैँ यस्तै भए
बल्ल थाहा पाउने छौ मानबता लुक्दा !
,,
केहि गर्न लागी पर भाषण मात्र हैन
भोलि सबै जोगी हुन्छौँ तिम्रो बोली चुक्दा !
,,
पुर्ब पश्चिम उत्तर दक्षिण भेद भाब राखे
कुलेलाम ठोक्नु पर्ला पराईले भुक्दा !
,,
कल्पना गिरी(भाबुक)
काठमाडौँ

गजल ६५ नया बर्ष

गजल **
सबै मनमा खुसियाली उमंगले छायो
दुख सुख सबै लिई नया बर्ष आयो |
,,
कतै बज्छ डिस्को डान्स लोक भाका पनि
खोया बिर्के रम सँगै फेद न टुप्पो गायो |
,,
आसिर्बाद बर्सी दिन्छ बृद्ध बाल सम्म
सुख शान्ति मिलोस् भनी ठुलै मुख बायो |
,,
मिस्टान्न थाली कतै नाना थरी भोजन
भोलिको दिन थाहा छैन खानु आजै खायो |
,,
प्याला सँगै चढ्छ नशा गुम्छ अनि होस
एकै छिनमा मन मिलाई चाउरे प्रिती लायो |
,,
"सुभकामना नयाँ बर्षको
कामना सबैमा हर्षको ,,
कल्पना भाबुक
काठमाडौँ